Shqiptarja Dua Lipa u përfol se do të ishte pjesë e festës së organizuar me rastin e 10-vjetorit të Pavarësisë së Kosovës, por duke qenë se kishte të programuar disa koncerte i është dashur ta refuzojë këtë ftesë. Mirëpo në rrjetet sociale është përfolur se Dua nuk erdhi ngaqë nuk pranoi të vinte falas. Madje fansat kanë shpërthyer në ofendime dhe Dua-s i është dashur të bllokojë edhe komentet në foton ku uronte shqiptarët për 10-vjetorin e Pavarësisë.
Ndërsa Rita Ora ndryshe nga Dua, erdhi dhe dhuroi një super-spektakël në Prishtinë. Gjatë konferencës për shtyp Rita u pyet nga gazetarët nëse do të bënte një duet me Dua Lipën, dhe ajo nuk dha asnjë përgjigje dhe bëri një anashkalim të pyetjes.
Gjithashtu Dua ka postuar sot në “Instastory” një foto gazmore ku iu uron të gjithëve një javë të mbarë.
Mos ndoshta me këtë postim Dua po ironizon veshjen e Ritës në koncertin që u mbajt në Prishtinë, duke u nisur dhe nga kritikat e shumta që një pjesë e shqiptarëve bënë për veshjen e saj?
Nëse kjo është e vërtetë atëherë mund të themi me plot bindje se midis vajzave ka ndodhur diçka dhe ato kanë një hatërmbetje mes tyre.
