“Ka problem nëse e lëpij pasqyrën tuaj”?
Duke pozuar për “Interview” me një fustan Dior, Dua Lipa tregon prirjen e saj për të thyer kufijtë. Kantautorja tregoi se është vazhdimisht në lëvizje nga Nju Jork-u në Londër.
E kontaktuar disa ditë pas intervistës, Dua Lipa u shpreh se: “Nuk e di as ku jam”, teksa qeshte në telefon.
Lindur dhe rritur në Londër, Lipa, tani 21 vjeç, u zhvendos në Kosovë, në vendin e origjinës së prindërve të saj, në moshën 11-vjeçare. “Babai im ishte një muzikant kështu që u ndjeva se kjo karrierë ishte pak e pashmangshme për mua”, thotë ajo.
Në mohën 15-vjeçare, me bekimin e prindërve të saj, ajo u kthye në Londër e vetme, duke qëndruar me një mik në një banesë në Camden, dhe filloi të publikonte koverat e hiteve pop në “YouTube” të përshtatshme për zërin e saj të ngjirur, nga këngëtarë si Christina Aguilera dhe Alicia Keys.
“I përdora mediat sociale në avantazhin tim”, thotë Lipa e cila më pas nënshrkoi për “Warner” në moshën 18-vjeçare. Kënga e saj debutuese, “New Love”, e cila tregon vokalin e saj të çjerrë doli online në vitin 2015, e ndjekur nga “Be the One”, duke fituar një vend në “Tingujt e 2016-s” në BBC.
“Çdo gjë që bëj është shumë autobiografike” shpjegon ajo. “Unë jam përpjekur të jem sa më shumë të jetë e mundur, një libër i hapur dhe t’i jap audiencës çdo pjesë nga vetja”.
Besimi i sinqertë i Dua Lipës vjen përmes këngëve të saj “Hotter Than Hell”, në lidhje me një marrëdhënie që shkoi keq dhe “Blow Your Mind (mwah),” singëlli i parë amerikan, dy prej të cilave do të shfaqen në albumin e saj që është planifikuar për në qershor. “Është i gjithi pop, por pop progresiv, dhe ka errësirë në tekste dhe në historitë që tregohen”, thotë ajo.
Burimi: Interview
