ICONstyle > Sex & Love > Lidhjet > E vetmja mënyrë! Dua Lipa na tregon si të mos biem “pre” e ish-it

E vetmja mënyrë! Dua Lipa na tregon si të mos biem “pre” e ish-it

Nga këngët jo vetëm që argëtohesh, por edhe mund të marrësh këshilla për lidhjet apo jetën.

Dua Lipa tha për këngën e saj të re New Rules” (Rregulla të reja), që do të donte t’i kishte dëgjuar kur sapo kishte dalë nga një lidhje.

Në fakt kjo këngë është një Bibël e vërtetë për të gjitha ata që nuk i rezistojnë dot ish-it. Pas ndarjes, shumë prej jush mund të kalojnë në këto katër hapa dhe Dua di pikërisht sesi ta kaloni kurthin e ish-it tuaj.

1.Mos ia hap telefonin: Ai po të telefonon vetëm sepse është tapë dhe i vetmuar.

Edhe ti je e vetmuar, kështu që është e thjeshtë të biesh pre e dëshirës për të qenë prapë me të, por duhet të kesh parasysh që, si për të, ashtu edhe për ty, takimi nuk do t’ju bënte të ndiheshit më pak të vetmuar.

Terapistët e “Psychology Today” shpjegojnë se është më mirë ta lësh veten të mësohet me vetminë, sesa t’i kthehesh dhe të dalësh prapë në pikën zero.

2.Mos e lër të hyjë brenda do të të duhet ta nxjerrësh prapë jashtë.

Sa herë i kthehesh kupton se asgjë s’mund të jetë si më parë. Rezultati? Të duhet ta rifillosh nga e para përpjekjen për ta harruar, me dhjetëra herë.

Ekspertët shpjegojnë se hapi i parë për ta harruar dikë, është të pranosh humbjen.

3.Mos u bëj shoqja e tij: Ti e di se do të zgjohesh në shtrat me të.

“Është shumë e rëndësishme të mos e urreni”, thonë terapistët. Mllefi është vetëm një kundërpërgjigje e mallit dhe nuk ju ndihmon ta kaloni. Gjithashtu, mos fajëso veten. Kupto ku keni gabuar të dy; shikoje të vërtetën në sy dhe qëndroi larg.

4.Nëse e lejon të të vërë poshtë vetes, s’ke për ta harruar dot.

Kush ka një qen e di shumë mirë se, që ai të të vijë nga pas, duhet ta thërrasësh ndërsa ecën me hapa të shpejtë përpara tij. Redaktorët për lidhjet tek “The Guardian” e përdorin këtë si shembull për të treguar se ai që qëndron më i pavarur në një marrëdhënie, është ai që komandon tjetrin.

Njësoj funksionon edhe pas ndarjes: nëse e kupton se ai po të udhëheq, duhet të mos i ndiqni thirrjet e tij. Kafsho gjuhën dhe shkëputu!

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.