Dje, Iconstyle publikoi videon e parë ku shfaqen bashkë në publik Dua Lipa dhe Anwar Hadid, që njihet si vëllai i motrave Gigi dhe Bella Hadid.
Pas kësaj, u bëmë kuriozë për marrëdhënien mes këngëtares shqiptare me dy supermodelet e njohura dhe zbuluam në Instagram se ndërsa Gigi Hadid e ndiqte Dua Lipa-n, Bella Hadid nuk e ndiqte.
Marrëdhënia e modeles sybojëqielli me Instagram-in njihet se tregon shumë për jetën e saj.
Kujtojmë se në 2017-ën, kur u bë publike lidhja mes Selena Gomez-it dhe ish-it The Weeknd, Bella nxitoi ta zhdukte emrin e Selenës nga lista e njerëzve që ndiqte në Instagram.
Po kështu, muajin e kaluar, Bella vendosi të tregojë se tani që është mirë e bukur me The Weeknd-in, s’ka më asgjë personale me Selena-n, duke pëlqyer postimin ku shfaqej ajo në Instagram-in e makeup artistit të tyre të përbashkët.
E pra, Bella Hadid duket se ka vendosur të bëjë gjestin e parë të dashamirësisë ndaj të dashurës së re të vëllait të vogël, duke e ndjekur sot Dua-n në Instagram!
Tani pritet sesi do të jetë marrëdhënia e Dua-s edhe me mamanë e modelëve Hadid, Yolanda, pasi siç dihet fëmijët janë goxha të lidhur me të.
