Këngëtarja kosovare më famë botërore, Dua Lipa ka mbërritur të dielën në Prishtinë, duke ateruar me aeroplanin privat të kreut të AKR-së, Behgjet Pacolli.
Pas mbërritjes, ajo ka mbajtur një konferencë për media ku ka thënë se është e lumtur që ka ardhur në Kosovë pas katër vitesh. Në foton e shpërndarë në “Instagram”, Dua shkruan:
“Shtëpia është aty ku ke zemrën”.
Në konferencën e mbajtur për mediat, Dua premtoi se në koncertin i cili do të mbahet të martën në parkun e Gërmisë, do të këndojë këngë të padëgjuara më parë.
“Do të këndoj këngë të papublikuara të albumit të ri”, ka thënë Lipa.
Të gjitha të ardhurat e biletave do të shkojnë për Sunny Hill Foundation, fondacionin e themeluar nga Dua Lipa për t’i ndihmuar të rinjtë e Prishtinës dhe Kosovës, veçanërisht në sferën e artit dhe kulturës.
Deri me tani janë shitur më shume se 50% e biletave. Përveç babai të saj, i cili është dhe organizatori i koncerteve të Duas, këngëtarja ksihte marrë me vete miken e saj më të ngushtë, modelen Rosie Amanda Viva.
‘E kam marrë miken time më të mirë me vete në Kosovë- Prishtinë’, ka shkruar Dua në “Instagram” përkrah kësaj fotografie.
Duan e ka shoqëruar edhe i dashuri i saj, modeli, Isaac Carew, i cili menjëherë pas mbërritjes tregon edhe përshtypjet e para nga pritja që mamaja e Duas i ka bërë.
Anesa Lipa e ka pritur “dhëndrin” me pite, fli dhe biskota, që duket se atij i kanë pëlqyer shumë:
“Për këto e kisha fjalën”, ka shkruar Osaac në profilin e tij teksa ka shpërndarë foton në “Instagram”.
