Ajo është një nga artistet më të njohura të momentin dhe gjithashtu një nga shqiptaret që na ka bërë më së shumti krenarë me arritjet e saj.
Dua Lipa po ngjit çdo ditë shkallë më të larta, teksa pavarësisht të gjithave nuk e ka harruar origjinën e saj dhe këtë na e ka treguar shpesh.
Dita e sotme nuk është një ditë e zakonshme për të dhe familjen e saj, pasi autorja e hitit “One kiss” feston sot ditëlindjen. Bukuroshja shqiptare ka lindur më 22 gusht të 1995 dhe mbush 25 vjeç.
E në këtë ditë të veçantë nuk kishin si të mungonin urimet e përzemërta të familjarëve të saj.
Kujtojmë se Dua prej disa muajsh ndodhet larg familjes, pasi është zhvendosur me të dashurin e saj Anwar Hadid në SHBA. Kurse familja e saj ndodhet në Britani.
Kështu, ndryshe nga vitet e tjera ata do e kalojnë të ndarë ditëlindjen dhe urimet e tyre kanë një emërues të përbashkët: “më mungon”.
Babai, Dukagjini,nëna Anesa, vëllai Gjini dhe motra Rina kanë postuar foto mjaft të bukura me gocën e ditëlindjes, duke i shoqëruar me fjalët më të ëmbla.
“25 vite që ti ke lindur dhe aq vite që unë jam bekuar. Ti je e rritur tashmë, por je akoma vogëlushja ime. Jam shumë mirënjohës që jam me ty në këtë udhëtim të mrekullueshëm. Do më kesh gjithmonë mua që kujdesem për ty. Gëzuar ditëlindjen dashuria ime”, shkruan Dukagjin Lipa krahas fotove me Duan.
Gëzuar ditëlindjen ëngjëlli im. Fjalët nuk mund të përshkruajnë sa mirënjohëse jam që tëkam në jetën time !!
Ti fal aq shumë dashuri, lumturi dhe gëzim në jetën time. Jam aq krenar për ty dhe gjithçka që ke arritur ndër vite. Ke një vend të veçantë në zemrën time !! Love you! TË DUA,- ka shkruar nëna e saj.
Një urim shumë të bukur i ka bërë edhe Gjini, që ka postuar një foto ku ndodhen të dy në jaht në mes të detit, teksa ka shkruar:
Dua, ti je 25 tashmë. Do doja të isha me ty sot. Kalofsh ditëlindjen më të bukur ndonjëherë!
Ndërkohë, motra e saj ka postuar disa foto, kur kanë qenë të vogla, krahas të cilave ka shkruar:
Gëzuar ditëlindjen mikja ime më e mirë. Do doja të isha aty e të të jepja përqafimin më të fortë, por ja ku janë disa foto domethënëse. Të dua, më mungon shumë!
Ndërkohë, nuk ka ende një urim nga Anwar, por jemi të sigurtë se nuk do mungojë.
Dua zakonisht organizon festa të mëdha për ditëlindjen e saj, por këtë vit duket se ka qenë ndryshe, pasi deri tani nuk ka ende asnjë detaj se si do ta festojë ditëlindjen e 25-të.
