Prej disa ditësh u përfol se pjesë e festës së organizuar me rastin e 10-vjetorit të Pavarësisë së Kosovës do të ishte edhe Dua Lipa. Këngëtarja shqiptare për shkak të disa koncerteve të programuara më parë, nuk pati mundësinë që të shkonte në Kosovë. Pavarësisht kësaj ajo ka qenë një ndër të parat që i ka uruar Pavarësinë Kosovës duke u ndjerë krenare që është shqiptare dhe ka premtuar se këtë vit do të shkojë në Kosovë.
“Urime të gjithëve 10-vjetorin e Pavarësisë! Shpresoj që të festojmë edhe shumë përvjetorë së bashku. Kaloni sa më mirë në këto ditë feste. Jam krenare që jam shqiptare. Urime dhe gëzuar! Ju dua. Shihemi këtë vit”, ka shkruar Dua në “Instagram”.
Urimin Dua e kishte shoqëruar me një foto të marrë nga kripi i saj “IDGAF” ku shfaqet e veshur me të kuqe dhe blu duke iu referuar Shqipërisë dhe Kosovës.
