“Fytyrat tepër të bardha të “Hollywood-it”. Në fakt titulli i artikullit të “Daily Mail” lidhet pikërisht me fenomenin e “Oscar”-it të bardhë. 88-të vjetori i eventit më të rëndësishëm në kinematografi mblodhi rreth 150 artistë në një drekë mesditën e djeshme në një prej hoteleve të Beverly Hill.
Ndërkohë që na ndan pothuajse 3 javë nga nata e shumëpritur e ndarjes së çmimeve, fushata për të zgjedhur më të mirët është bërë serioze.
Në drekë nuk munguan disa nga emrat më të përfolur të këtij viti, Leondardo DiCaprio, Jennifer Laurence, Sylvester Stallone dhe Lady Gaga e cila do të jetë një nga këngëtaret që do performojë në mbrëmjen e shumëpritur.
Gaga shpërtheu në lot pasi dy nga producentët e Oscar e përgëzuan për perfomancën e jashtëzakonshme të saj në finalen e “Super Bowl”.
Polemikat që nisën me nominimet e “Oscar”-it këtë vit lidhur me aktorët me ngjyrë, gjë që u pasqyrua edhe në fotografinë e realizuar dje, më 8 shkurt. Për të 2-tin vit radhazi, vihet re një mungesë e aktorëve apo kineastëve me ngjyrë në nominimet. Por këtë vit, revolta ndaj kësaj dukurie ka qenë më e fortë, duke përfshirë aktorë të njohur që kanë deklaruar bojkotimin e ceremonisë.
Fotoja e shkrepur gjatë drekës zyrtare ka ngjallur reagimin e mediave. Ato kanë komentuar lidhur me mungesën e njerëzve me ngjyrë, mes të gjithë të nominuarve që kanë qenë të pranishëm në këtë event.
Fituesit e çmimeve Oscar do të shpallen më 28 shkurt në një nga eventet që konsiderohet më i rëndësishmi i botës kinematografike.
Burimi: Daily Mail
