Drejtoresha e QSHA jep detaje për maturën shtetërore: Ja struktura e testit dhe kohëzgjatja

Drejtoresha e Qendrës së Shërbimeve Arsimore (QSHA)  Rezana Vrapi përmes një video-mesazhi ka dhënë disa detaje për maturantët në lidhje me strukturën e testit të Maturës Shtetërore 2020.

“Testi i Maturës Shtetërore 2020 do të bazohet vetëm në pyetje me alternativa. Kohëzgjatja e tij do të jetë 2 orë dhe në total, numri i pyetjeve do të jetë 60”, tha ajo.

“Është llogaritur që pyetjeve me alternativa u duhet më pak kohë se sa pyetjeve me zhvillim. Prandaj, ka një kohëzgjatje deri në 2 orë dhe jo 2 orë e gjysëm. Janë hequr pyetjet ese nga pjesa e gjuhës së huaj dhe gjuhës shqipe. Dhe i gjithë testi do të bazohet vetëm në pyetje ku nxënësit do ta përzgjedhin përgjigjen. Pra, nuk do ta shkruajnë atë. Koha është e mjaftueshme”, shprehet Znj. Vrapi ndërsa nënvizon se 2 orë janë të mjaftueshme për një test me alternativa.

Datat zyrtare te provimeve të maturës 2020 jane keto:

• Provimi për gjuhën e huaj do të jepet në datë 8 qershor 2020.
• Provimi për gjuhën shqipe dhe letërsinë në datë 11 qershor
• Provimi për lëndën e matematikës do të jepet në datë 15 qershor
• Provimi per lëndët me zgjedhje do të jepen më datë 18 qershor