Një nga ngjarjet më tronditëse të ditëve të fundit është padyshim vrasja e 33- vjeçares, nënës së dy fëmijëve, Liridona Murseli. Fakti që e bën më të rëndë këtë ngjarje është se organizator i ekzekutimit të saj ishte vetë bashkëshorti dhe babai i fëmijëve.
Ngjarja ka tronditur gjithë opinionin publik si në Kosovë ashtu edhe në Shqipëri, duke bërë që të organizohen marshime, në shenjë solidariteti, por dhe për të dënuar dhunën dhe vrasjen në familje dhe shoqëri. Marshimi do të nisë të dielën në orën 11:30 nga Ministria e Brendshme drejt Ambasadës së Kosovës në Tiranë.
