Në muajin gusht të këtij viti mësuam se modelja Bella Hadid dhe këngëtari The Weeknd i kishin dhënë fund marrëdhënies së tyre.
Ky vendim erdhi si pasojë e largësisë së çiftit, të cilët gjatë gjithë kohës ndodheshin në vende të ndryshme nga njëri-tjetri.
Kjo gjë nuk po i bënte aspak mirë lidhjes së dyshes, kështu Bella dhe The Weeknd menduan të fokusoheshin secili në punën e tij.
Mirëpo së fundmi po thuhet se në fakt Bella dhe The Weeknd po flasin sërish me njëri-tjetrin.
“Bella dhe The Weeknd kanë qenë në kontakt kohëve të fundit”, tha shoqja e modeles për “Us Weekly”.
Pra, ata kanë kaluar kohë së bashku dhe duket se gjërat mes tyre po ngrohen sërish dhe se po shkojnë drejt një ribashkimi të mundshëm.
Mirëpo ende nuk dihet nëse çifti e ka nisur sërish lidhjen aty ku e la, apo gjërat kësaj here po rrjedhin më ngadalë mes tyre.
Ndërkohë para pak kohësh Bella filloi që të ndiqte ish të dashurën e The Weeknd, Selena Gomez, duke treguar që në fakt i ka lënë pas të gjitha hatërmbetjet.
