Ariana Grande i kthen një përgjigje të drejtpërdrejtë në Instagram ish-të fejuarit të saj, Pete Davidson, pasi ky i fundit deklaroi se ishte viktimë e bullizmit gjatë nëntë muajve të fundit.
Ariana i kërkoi fansave të saj që të silleshin më mirë me Pete-n, pasi tha se asaj i intereson ende ai dhe shëndeti i tij mendor.
“E kuptoj që tashmë e dini këtë, por mendoj se duhet t’u kujtoj fansave të mi, që të lutem të jeni më të dashur me të tjerët. Nuk dua të faktoj asgjë, veç faljes dhe pozitivitetit. Më intereson shumë Pete dhe shëndeti i tij. Ju kërkoj që të lutem të jeni më të butë me të tjerët, madje edhe në internet. Kam mësuar nga gabimet e mia që të mos reagoj në mediat sociale, kështu që ju kuptoj. Po nuk e kuptoni dot kurrë se çfarë po përjetojnë të tjerët. Pavarësisht se çfarë zgjedhin ata të postojnë në mediat sociale apo sesi shfaqen në publik. Jua siguroj këtë. Kështu që ju lutem përpiquni ta lini të shkojë gjendjen në të cilën ndodheni. Gjithmonë do të kem një ndjenjë dashurie për të dhe nëse ju kanë bërë përshtypje punët e mua të fundit, mund t’ju ketë shpëtuar qëllimi”, shkruan Ariana.
Në një postim në rrjetet sociale ditën e djeshme, Pete sqaroi se sado që njerëzit përpiqen ta lëndojnë, ai nuk do të tentojë kurrë të vetëvritet.
“Zgjodha ta qepja gojën. Nuk kam përmendur asnjëherë emra dhe kurrë s’kam thënë diçka të keqe për dikë. Po përpiqem të kuptoj përse e gjithë bota keqtrajton një djalë pa asnjë fakt ose referencë. Më kanë ofenduar online dhe kam qenë viktimë e bullizmit prej më shumë se 9 muaj. Kam rrëfyer më herët në publik edhe eksperiencën time të trishtë, kur në një moment desh i mora jetën vetes, me shpresën se do të sillja ndërgjegjësim tek fëmijët që ndoshta ndihen se nuk duan të ishin më në këtë botë. Sado që njerëzit ose interneti përpiqet të më lëndojë dhe të më bëjë të vras veten, unë NUK DO E BËJ. Jam shumë i trishtuar që më duhet ta thosha këtë. Të gjithë ju që më keni mbështetur, ju dua dhe ju falënderoj”, shkroi Pete.
Dyshja i dha fund fejesës dy muaj më parë.
Burimi: Cosmopolitan
