Asnjë foto, asnjë shenjë për shtatzëninë e saj deri më dje. Zaimina Vasjari vendosi që të tregonte barkun e rrumbullakosur në festën përrallore të organizuar për vogëlushen që pret.
Këngëtarja shqiptare do të bëhet nënë për herë të parë e vogëlushes Khloe, për të cilën organizoi një festë të madhe.
Këtë moment të bukur feste, e cila ka mbledhur bashkë të gjitha mikeshat e saj, Zaimina nuk mund ta mbante vetëm për vete.
Në një ambient të ngjyrosur me rozën e ëmbël të vajzave, kudo përreth shkruhet emri i bebes që do të vijë në jetë pas pak javësh. Khloe është bekimi i parë i dashurisë së Zaiminës dhe Klodit, partnerit të saj.
Në këto foto që këngëtarja ka postuar në “Instagram”, tani duket vërtet barku i rrumbullakosur dhe po ashtu edhe nuri i ëmbël që ka marrë mami në pritje.
Burimi: Instagram
