Ronela na i tha hapur pak ditë më parë se është single, madje shprehu se është gati të dalë në takim me dikë. Angazhimet profesionale ishin e vetmja gjë që nuk ia lejonin diçka të tillë.
Menjëherë pas kësaj deklarate Ronela erdhi me deklaratën e re. Ajo ka bërë me dije “kandidatët” për “kushtet” që duhet të plotësojnë për të qenë partneri i ardhshëm i saj.
Dhe sigurisht që kushti i saj ka të bëjë me muzikën.
Me anë të disa postimeve në Instastory Ronela shkruan se nëse doni t’i fitoni zemrën duhet të ‘dashuroni’ këngët e postuara nga ajo.
Më pas Ronela ka postuar disa story të tjera ku tregon ‘playlistën’ e këngëve të saj të preferuara të të gjitha kohërave.
Si qershia mbi tortë, në fund Ronela na ka treguar dhe këngën e saj të preferuar që do kërcejë në martesën e saj: “Nëse do martohem ndonjëherë, kjo është kënga që do kërcejmë! Whitesnake/ Is this love?”
Kujtojmë se më herët, Ronela ka folur hapur për ndjesitë e saj në një intervistë më se të sinqertë. Ajo ka treguar fëmijërinë e saj, karrierierën, lidhjen me familjen e sidomos me të atin.
“Absolutisht që do përplasesh, do vritesh, do të të thyhet zemra aq herë sa do ta lësh këtë gjë një mijë herë, por nuk duhet të heqësh dorë. Nëse arrin deri në atë pikë që ti je koshiente që vlen, nuk duhet të heqësh dorë. Fillon bëhesh e zonja vetes, ia di gabimet vetes edhe duke ia ditur gabimet vetes mund t’i rregullosh, mund t’i ndreqësh. Mendoj se në showbiz po mos të jesh me këmbë në tokë je i mbaruar…”
