Mund të pyesni veten pse qeni juaj ju shikon vazhdimisht, dhe ndërsa ndonjëherë mund të ketë disa arsye të dukshme, kur ata janë të uritur, duan të dalin për shëtitje ose thjesht kanë nevojë për diçka specifike, si një lodër, herë të tjera mund të jetë mjaft konfuze.
Këto janë disa nga arsyet pse qeni juaj po ju kushton shumë vëmendje.
Miku juaj me gëzof mund të përfitojë nga shikimi, gjuha e trupit tuaj dhe identifikimi i çdo lëvizjeje. Ky mund të jetë një përfitim edhe për ju gjatë trajnimit të qenit, pasi ata mund të mësojnë më shpejt si dhe të përshtaten me orarin dhe mjedisin tuaj.
Qenushi mund të jetë duke treguar dashuri ose duke kërkuar vëmendje, veçanërisht kur ai është i ri dhe plot energji, mund të dëshirojë të luajë me ju ose të ketë nevojë për më shumë stërvitje.
Ata duan t’ju tregojnë se si ndihen, duke shprehur një gamë të gjerë emocionesh. Për shembull, nëse qeni i dikujt tjetër po ju sheh me një vështrim ngulmues me sy që nuk mbyllen e nëse kanë qëndrim të ngurtë, mund të jetë më mirë nëse nuk do të bëni kontakt sy më sy, pasi ai mund të bëhet agresiv.
Studimet kanë treguar se shikimi i ndërsjellë midis qenve dhe njerëzve të tyre mund të çlirojë oksitocinë, e cila është thelbësore në krijimin e një lidhjeje besimi dhe dashurie me kafshën tuaj.
