Këngëtarja Yllka Kuqi ishte e ftuar dje në emisionin “Top Show” për të promovuar klipin e saj më të ri “Fale”. Kjo është një këngë e cila i dedikohet dashurisë së dy partnerëve që kanë nevojë të falin.
Duke folur për klipin Yllka zbuloi dhe sekretin e dashurisë së saj 17-vjeçare. Ajo përpiqet që ta ruaj gjithmonë të freskët, qoftë edhe duke ndryshuar ngjyrën e flokëve, siç thotë ajo me humor.
“E kam falur zemrën dhe jam ok” : tha Yllka duke theksuar se kënga ishte ajo përmes së cilës ajo dërgonte një mesazh ndjese.
Këngëtarja e njohur rrëfeu se si nisi dashuria e saj para 17 vjetësh dhe se si është po aq e freskët edhe sot.
“Në fillim, ‘loja’ nisi me letra, pastaj me mesazhe, me mail-e e deri sot, kur ne të dy jemi si një person i vetëm. Nuk është si në fillim, kur akoma nuk je afruar shpirtërisht me partnerin. Me vitet, afrohesh aq shumë saqë ndihesh njësh me atë dhe për atë arsye, ndoshta nuk i dërgon mesazh, se e llogarit si pjesë tënden, e llogarit që gjithmonë është me ty. Por kjo nuk do të thotë që dashuria humb, zbehet…” – rrëfen Yllka duke shtuar se ajo dashurinë e mban gjithmonë të freskët.
