Donatella Versace mbrojti fushatën e re shumë të diskutueshme të “Versace”-s në një intervistë me Telegraph. Disa komentues online ishin të palumtur me portretin e markës për mëmësinë, ndërsa Bruce Weber përfshiu në fushatë 21-vjeçaren Gigi Hadid dhe 23-vjeçaren Karlie Kloss si nëna të fëmijëve, që dukeshin mes moshës 5 dhe 7 vjeç.
“Emri im është Versace – Unë nuk di si t’i bëj gjërat në heshtje”, u përgjigj Donatella rreth pyetjes së diskutueshme. “Kjo është thjesht gjaku dhe familja ime. Ne bëjmë zhurmë, bërtasim me zë të lartë, nuk bëjmë prapa në mendimet tona. Kjo është përse fushatat tona kanë qenë gjithmonë kaq të guximshme, sepse familja ime gjithmonë ka provokuar. Jeta mund të jetë shumë e mërzitshme, nëse të gjithë do të bënim të njëjtën gjë”.
“Me koleksionet e mia, jam menduar gjithmonë e më shumë rreth jetës së vërtetë të Versace-s dhe në kompleksitetin e jetës së femrave. Ato drejtojnë biznesin e tyre, kujdesen për familjen, udhëtojnë, shpenzojnë kohë me miqtë, të gjitha shpesh në të njëjtën ditë. Unë doja të tregoja plotësinë e jetës së Versace-s në fushatën tonë”, u shpreh Donatella.
Burimi: Harper’s Bazaar
