Presidenti amerikan Donald Trump dhe bashkëshortja e tij Melania Trump kanë ndezur dritat e pemës së Krishtlindjeve në Shtëpinë e Bardhë.
Kjo është një traditë shumë vjeçare e Shtëpisë së Bardhë dhe çdo vit me mijëra qytetarë presin të shikojnë këtë çast sublim.
Presidenti Trump, për të cilin është Krishtlindja e parë në krye të Shtëpisë së Bardhë, ka shkruar në “Twitter” se mezi po e priste këtë moment dhe kishte një vit që e ëndërronte.
Pë fat të keq, pavarësisht pamjeve të bukura që iu servirën mediave, këtë vit ndryshe nga çdo herë karriget e të ftuarve ngelën bosh.
Gazetari Stiv Rudin e ironizon Presidentin duke thënë se kjo ceremoni ishte shumë e bukur dhe publikoi disa foto nga ky event, ku dukeshin qartë me dhjetëra karrige bosh.
Vitin e kaluar dritat u ndezën nga ish-Presidenti Obama dhe bashkëshortja e tij. Midis Obamas dhe Trump në pjesëmarrjen gjatë ceremonisë ka një diferencë të dukshme. Tek i pari sheshi plot, ndërsa tek i dyti as karriget nuk u mbushën dot.
Burimi: Dailymail
