Reperi Don Phenom është një nga artistët shqiptar këngët e të cilit janë kthyer në hite-t e preferuara për të gjithë shqiptarët.
Së fundmi, reperi shkodran ishte i ftuar në një intervistë në emisionin e Meriton Mjekiqit, ku ka folur gjatë rreth jetës së tij private familjare si dhe atë profesionale.
Megjithatë, ajo që ka tërhequr më shumë vëmendje ishte përgjigja e tij lidhur me pyetjet pikante nga moderatori.
Ai e pyeti Don Phenom-in se kush do të ishte reperi me të cilin ai nuk do të bashkëpunonte kurrë. Meritoni ia arriti t’ia ‘nxirrte’ emrin reperit duke e pyetur nëse bëhet fjalë për atë që ai mendon.
Kështu, përgjigja e tij ishte pikërisht reperi i njohur Duda.
Don Phenom e pranoi sinqerisht një gjë të tillë teksa ky lajm duket të mos jetë pritur mirë nga reperi gjilanas. Së fundmi, ai ka reaguar duke dërguar replikën e tij përmes një lidhje në video ‘live’ në llogarinë e tij në “Instagram”.
Gjatë intervistës, artisti ka rrëfyer gjithashtu edhe disa detaje të tjera për jetën e tij personale. Ai ka treguar se tashmë ka dashur të përkushtohet më shumë tek jeta familjare si baba, duke u distancuar disi nga vrulli i përhershëm muzikor.
