Të shtunën e kaluar, ish-konkurrentët e “Për’puthen” Bruno dhe Florjana, u larguan së bashku nga programi për të vazhduar njohjen e tyre jashtë.
Ditën e sotme ata do të flisnin për eksperiencën e tyre në emisionin “Ditë e re”, por pjesë e programit ka qenë vetëm Bruno.
Ish-konkurrenti i “Për’Puthen” tha mes të qeshurash se Florjana nuk ka ardhur pasi “ndoshta i ka ngelur hatri”.
“Më ka shkruar në orën 8 ‘më merr në telefon’, unë u zgjova në 8:20, e thirra po s’ma hapi telefonin, ndoshta i ka ngelur hatri”, u shpreh ai.
Ndërkohë duke folur për pëlqimin e tij për Florjanën, ai rrëfeu se si ka nisur gjithçka dhe cilat janë cilësitë e saj që i pëlqejnë më shumë.
Bruno më pas u shpreh se Florjanën e ka pëlqyer pasi përveç paraqitjes ishte edhe shumë e qetë.
Ai gjithashtu u shpreh se ka nevojë për një vajzë të tillë dhe jo për një vajzë ‘showbiz’-i.
“Kam pasur takimin e parë me Anën dhe i kam shprehur pëlqim. Më pëlqeu sepse ishte shumë e qetë dhe më jepte dhe mua qetësi. Dhe përveç paraqitjes që është super kukull, është edhe vajzë punëtore. Ka biznes të sajin, ka luftuar gjithmonë, ndihmon familjen. Unë kam nevojë për një vajzë të tillë, jo për një vajzë ‘showbiz’-i.”, rrëfeu Bruno.
Megjithatë, edhe pse pohoi që statusi i tij aktual është “i lidhur”, Bruno tha se nuk ka asnjë plan për fejesë apo për martesë:
“Unë ndihem konfuz, çështja është këtu që nuk bëj planifikime, por shpresoj shumë që të shkojë mirë. Nuk mund të them që do të bëj fejesë, martesë… Jam në një lidhje.”
