Prej disa ditësh prestigjiozja “The Guardian” ka bërë publike disa të dhëna sesi Rusia gjatë viteve të fundit ka shtrirë influencen e saj në Ballkanin kryesisht perëndimor, pas zbulimit të disa dokumenteve të agjencisë seë inteligjencës së vendit. Dokumentet thonë se Rusia e ka bërë këtë përmes disa taktikash, duke filluar që nga qendrat e saj diplomatike në këto vende, duke kamufluar brenda tyre dhe punonjësit e shërbimeve sekrete ruse, ashtu dhe duke duke përdorur dhe hapjen dhe përhapjen me shpejtësi të Qendrave Kulturore ruse dhe Shoqatave pro ruse në disa vende të Ballkanit duke filluar nga Bosnja, Maqedonia, Kosova dhe Shqipëria.
Dosjet u morën nga Projekti i Raportimit të Krimit të Organizuar dhe Korrupsionit dhe u shpërnda në “The Guardian”. Ata gjithashtu tregojnë përpjekjet e inteligjencës serbe për të mbështetur nacionalistët pro-rusë dhe anti-perëndimorë në Maqedoni.
Sipas dokumenteve, qëllimi i vetëm i Rusisë është që këto vende për shkak të problemit të korrupsionit, i cili është kushti dhe parakushti kryesor i BE-së për hapjen e negociatave të këtyre vendeve do të pengonte në kohë ose do të vononte afrimin e këtyre vendeve me BE-në çka do t’i jepte kohë Rusisë të implementonte politikat e saj në këto vende dhe të ishin në kontrollin e saj.
Në dokumentet e sigurara nga ana e strategjisë ushtarake, Rusia ka bërë përpjekje maksimale për të ndaluar integrimin dhe anëtarësimin e këtyre vendeve me NATO-n rivalin kryesor prej më shumë se gjysëm shekulli të Rusisë dhe të riaktivizuar si përplasje nga ideja e superfuqisë së Putinit, i cili kërkonte risjellen e shkëlqimin e forcës së ushtrisë ruse në arenën ndërkombetare me gjeo-politikën aktuale.
Shërbimet Sekrete Ruse në bashkëpunim me drejtues dhe politikanë pro rus në rajon kanë bërë gjithçka që këto vende të mos anetarësohen në NATO. Përmendim këtu që nga përdorimi i mediave pro ruse janë bërë fushata lajmesh negative apo dekurajuese për mos futjen në këtë Aleancë të këtyre vendeve ashtu dhe përhapjen e lajmeve të rreme se kjo Aleancë ka kosto për këto vende.
E njëjta situatë u përsërit dhe në Mal te Zi ku tashmë e vërtetuar se Rusia nëpërmjet ndihmës së partnerit të saj kryesor e më të besuar në Ballkan, Serbisë, kësaj radhe shkuar deri aty sa tashmë është faktuar dhe dështimi i një grushti shteti qëllimi i vetëm i të cilit ishte shtyrja e anëtarësimit të Republikes së Malit të Zi në Nato. Rusia nëpërmjete njerezve të saj, herë atyre të Shërbimeve Sekrete e herë biznesmenëve të ndryshëm kishte investuar shumë me Republikën e vogël të Malit të Zi për ta kthyer në një domen të vetin me qëllimin final atë të daljes në Adriatik, dëshirë shekullore e saj por dhe pse jo për ta pasur një “bazë” të saj në Ballkan.
Maqedonia, shteti më i brishtë në Ballkan, arsyet dihen tashmë nga të gjithë, konfliktet e brendshme dhe të jashtme, megjithëse në pamje të parë me pak të rëndësishme konflikti etnik në Maqedoni, megjithëse dikush nuk do ta pranojë ka ndikuar dhe ndikon në kryerjen apo realizimin e reformave të ndryshme rrënjesore dhe jetësore në këtë vend. E si të mos mjaftonte kjo, konflikti me fqinjin e tij jugor Greqinë ka ndikuar shumë në mos integrimin e këtij vendi në institucionet europiane dhe në NATO.
Ndryshimi i situatës politike në Maqedoni ndryshimi qeverisë dhe elitës politike pas shumë vitesh solli dhe një herë humbjen e ndikimit rus në Maqedoni, frika e humbjes së këtij ndikimi solli humbje “të kontrollit” rus çka u përkthye në krijimin e një situate dhune të pa precedentë që solli dhunë në tempullin e demokracisë së Maqedonisë ku dhuna përfundoi dhe degradoi deri në dhunë fizike dhe deri në tentativa për vrasjen e liderve të opozitës maqedonase.
Burimi: Iconstyle / The Guardian
