Modelja e njohur Beniada është banorja më e qeshur dhe më karizmatike brenda shtëpisë së “Big Brother VIP”. Ajo ka rrëmbyer zemrat e të gjithë publikut me sjelljen dhe theksin e saj të të folurit.
Modelja nuk ka shkaktuar asnjëherë debat përkundrazi, ajo ka bërë gjithmonë për të qeshur të gjithë banorët brenda por edhe publikun jashtë me deklaratat e saj që nganjëherë edhe nuk i kupton.
Një gjë të tillë ka bërë edhe sot gjatë kohës kur banorët ishin mbledhur duke qëndruar të gjithë në oborr. Ajo në formë shakaje ka bërë një thirrje për rininë shqiptare, duke kërkuar që femrat shqiptare mos të martohen që 18 vjeç por ta shijojnë dhe jetojnë jetën e tyre si ta duan ato.
“Do t’i ndërrojnë burrat çdo muaj dhe do bëjmë qejf në Maldive e Dubai. Plasni nga inati ju!
Jetojeni jetën si të doni dhe mos u martoni, mos u martoni që 18 vjeç. Jetoni jetën se kur të bëheni me fëmijë s’do të ketë më”, është shprehur Beniada.
Ndërkohë banorët janë shkrirë së qeshuri me të ndërsa ajo bërtiste duke folur. Ka qenë Arjola dhe Xheisara të cilat duke mos mbajtur dot të qeshurën e kanë mbështetur me ato çka ka thënë.
