I ftuar tek rubrika “Për drekë me mua” tek “E Diela Shqiptare”, Romeo Veshaj i tha të gjitha!
Prezantuesi i “Treshat” zbuloi se i kanë menduar madje edhe mirë planet për martesë me këngëtaren Jonida Maliqi. Ai u shpreh se “e ka gjetur fatin” e vet dhe madje se me të mbaruar emisionin do të nisej bashkë me të në Maldive.
Jo vetëm kaq, por i ngacmuar nga Ardit Gjebrea nëse do ta ftonte të këndonte në dasmë, ai iu përgjigj me shaka se “në dasmën e tij me partneren e cila ndodhet këtu” do të donte të mos këndonte askush.
Fjalët për lidhje mes Jonida Maliqit dhe Romeo Veshajt nisën në maj dhe brenda disa javëve, ata u kapën në momente intime me njëri- tjetrin në pishinë.
Pas kësaj, nuk i ndaloi asgjë më të dilnin hapur dhe e ftuar tek emisioni i saponisur “Treshat” ku Romeo prezanton krah vëllait Donald dhe Bora Zemanit, aktori dhe këngëtarja shkëmbyen një puthje.
