Në 20 vite karrierë, Erjona Rusi do të provojë për herë të parë të qenurit pjesë e një jurie në një format televiziv.
Këtë lajm e ka bërë të ditur vetë moderatorja, e cila ka theksuar se do t’i bashkohet emisionit “T’ka mami yll” që transmetohet në “Abc News”.
“Për herë të parë në 20 vjet karrierë, do të jem pjesë e një jurie në formatin më të ri televiziv @tka.mami.yll”, ka shkruar ajo.
Erjona aktualisht është në moderimin e emisionit “Shqipëria Live” në “Top Channel” dhe duket se do të jetë sërish në këtë rol pasi në formatin e ri televiziv në “Abc News” do të jetë pjesë e jurisë.
Po ashtu, Ilda Bejleri është bërë pjesë e këtij televizioni ku dhe do të moderojë spektaklin e baletit.
“Pasi ‘riktheva dallëndyshet’ me një sukses spektakolar i rikthehem baletit në një tjetër spektakël të jashtëzakonshëm”, ka shkruar Ilda në Instagram-in e saj.
“Dance Reality Show” me titull “T’ka mami yll”, ku protagonistë do të jenë fëmijët e moshës 10- 15 vjeç. Por edhe mamatë e tyre, të cilat do të synojnë, me çdo kusht, që në sfidat e kërcimit fitues të jetë fëmija i tyre.
Koreografi Albi Nako, që është dhe ideatori i këtij projekti tha më herët se “T’ka mami yll” do të vijë jo vetëm si spektakël javor, por edhe si një format i përditshëm “reality”.
