Olta Gixhari në muajin gusht të vitit që lamë pas solli në jetë fëmijën e saj të parë. Olta lindi një djalë, të cilin e pagëzoi me emrin Amar. Tashmë Amar është rritur dhe ka nisur të bëjë lëvizjet e para dhe si bebush duket se është mjaft i shkathët.
Fotot dhe momentet me të voglin e saj janë të shumta por portretin e tij ka vendosur të mos e zbulojë duke e ruajtur në maksimum privatësinë e tij.
Së fundmi, gjatë një bisede virtuale me ndjekësit në Instagram, Olta ka zbuluar dhe planet për të patur fëmijë të tjerë.
“Po mendoni për një fëmijë të dytë”, e ka pyetur një ndjekës.
“Po së shpejti”, ia ka kthyer aktorja.
Në një intervistë të dhënë së fundmi për “Revista Who”, Olta tregoi se Amar erdhi në jetë me plan, pasi si ajo edhe partneri kishin dëshirë për një fëmijë. Aktorja tregoi se shtatzëninë me djalin e ka kaluar shumë lehtë, pasi partneri i saj i ka qëndruar pranë.
“Nuk mora shumë kile. Diku tek 16-17, por në dukje isha shumë e hollë dhe barkun nuk e pata shumë të madh. Pata një shtatzëni të mbarë, edhe pse më ra muaji i 8 dhe i 9-të i shtatzënisë në korrik-gusht, periudhë shumë e nxehtë në Spanjë. Por nuk e përjetova keq, sepse kam një partner që më thotë gjithë ditën: Sa e bukur je”, tregoi Olta.
