I ati i Meghan Markle iu nënshtrua një operacioni në zemër në një spital në Meksikë, pasditen e së mërkurës. 73-vjeçari tregoi në një intervistë për britaniken “The Mirror” se doktorët po kujdesen për të, por do t’i duhet shumë kohë të marrë veten.
“Jam mirë, vetëm se duhet të qëndroj për një kohë të gjatë në spital. Nuk lejohet që të emocionohem” – tregoi ai.
Ndërkohë djali i tij, Thomas Jr tha se i ati është zemërthyer sepse nuk mund të shoqërojë dot Meghan në altar. Ai rrëfeu se 73-vjeçari pati një moment “çmendurie”, pasi javën e kaluar i shkroi një letër Princit Harry ku i kërkonte të shtynte ditën e dasmës, që do të mbahet të shtunën me 19 Maj 2018.
Ndërkohë Thomas Jr, vëllai i Meghan nuk është i ftuar në dasmën mbretërore, së bashku me pjesëtarë të tjerë të familjes.
Gjithashtu, motra e Meghan, Samantha Markle, u shtrua në spital të mërkurën pas një aksidenti me makinë, ku u ndrydhi gjurin.
I dashuri i Samantës, Mark tha për “TMZ” se shkak i aksidentit në Florida, ishte një përballje me një paparacët dhe se Samanta fajëson dramën me dasmën mbretërore për të gjitha streset që po ju shkakton.
