Eno Popi dhe partnerja e tij Atena Pali janë në pritje të fëmijës së tyre të parë. Çifti zbuloi Krishtlindjet e kaluara se do të bëhen prindër të një vajze dhe për këtë janë shumë të lumtur.
I ftuar në emisionin e përditshëm “You&Me” në NRG Radio me Julkën dhe Arjonin, moderatori i “Wake Up” në Top Channel, tregoi shumë gjëra për veten, partneren, profesionin, jetën në përgjithësi e veçanti…
Lidhur me ardhjen në jetë të vajzës së tij këtë të fundit, Eno u shpreh se ka frikë tani që po afrohet lindja.
“Mua më frikëson vetëm mënyra se si do ta rris dhe do ta edukoj. Nuk e di, s’jam as i pari as i fundit. Njerëzit më thonë, hë mo dhe ti tani… sipas mënyrës që familja ka lënë tek gjithsecili prej nesh, po sikur të rriteshin fëmijët kështu…”, përfundon moderatori.
Eno është njohur me Atenën më shumë se 6 vjet më parë në një pub:
“Nuk jemi njohur në “Top Channel”, jemi njohur në pub. Nuk ka qenë nga këto dashuritë me shikim të parë, por nga këto historitë që dalëngadalë vazhdoi”.
Atena është pjesë e strukturës mediatike, Digitalb dhe bën një punë në prapaskenë, merret me produksionin.
