Do ta tundonte një ofertë e mirë pagese aktorin e Portokallisë Irgen Çela, për të lënë spektaklin?
I ftuar në emisionin “Ditë e Re”, Irgeni, i njohur si Xhoda në “Portokalli” u shpreh se nuk do të largohej edhe nëse do t’i vinte një ofertë shumë joshëse.
“Një ofertë mund të jetë vërtetë joshëse. Portokallia është, pa dashur të ofendoj asnjë koleg, është si patentë humori. Dhe është e vështirë të lësh mbrapa një emër dhe një reputacion kaq të madh qoftë për të marrë lekë më shumë.
Sepse atje ku shkon nuk i dihet a do jetë po kjo fuqi. Përveç punës së madhe që bëjnë aktorët, Portokallia është ngritur dhe ajo vetë institucion që të jep fuqi ty. Kur ti ndonjëherë nuk je në lartësinë e duhur, është në lartësinë e duhur e tëra dhe të jep dorë”.
Iregni është martuar në gusht të vitit të kaluar dhe është baba i një djali. Ai tregoi se me bashkëshorten janë njohur akademi.
“E kam njohur kur kam qenë student në akademi. E zgjodha vetë, me dashuri.”
Irgeni tregoi se përveç “Portokallisë” ka hapur edhe një aktivitet të vogël ku merret me organizmin e festave për fëmijët.
“Kam një gjë timen të vogël private që e kam hapur tani në lidhje me organizmin e festave për fëmijët. Duke qenë se fëmijët na duan, jemi personazhe të dashur për ta.”
Aktori tha se në Portokalli për momentin nuk ka një personazh të ri. Ndërsa tregoi se çdo personazh i ri që ka sjellë në skenë ka qenë periudhë e vështirë për të.
/Ora Neës
