Një 30-vjeçar shqiptar që rrezikonte dëbimin nga Gjermania, është vënë në prangat e policisë atje, pasi kërcënoi të hidhte fëmijën e tij nga ballkoni.
Shqiptari u nervozua pasi autoritetet e Krefeldm në Gjermani shkuan të dëbonin familjen e tij prej 5 anëtarësh.
“Westdeutsche Zeitung” raporton se 30-vjeçari fillimisht iu drejtua me thikë oficerëve të policisë, madje kërcënimet vazhdonin edhe nga gruaja e tij.
Në tension e sipër ai u ngjit në ballkonin e qendrës së strehimit të refugjatëve ku jetonte dhe mori me vete njërin nga fëmijët.
Autoritetet gjermane treguan se shqiptari e bëri këtë veprim në dëshpërim e sipër, pasi nuk e hipi për asnjë moment fëmijën mbi kangjellat e ballkonit.
Sipas njoftimit për shtyp të bashkisë së qytetit, zyra e emigracionit pritet të aplikojë për dëbim të 30-vjeçarit. Dëbimi i familjes më parë ishte vendosur nga Zyra Federale për Migracionin dhe Refugjatët.
Burimi: BalkanWeb
