Janë të pakta intervistat ku Noizy flet për planet e tij, por tek kjo e fundit na i ka zbuluar të gjitha. Noizy ka shprehur se do të përfaqësojë Shqipërinë në festivalin europian.
Reperi ka qenë i ftuar në “Abc e Pasdites”, ku është pyetur nëse e ka menduar ndonjëherë të marrë pjesë në Eurovizion. Noizy tha se do e mendonte si mundësi duke premtuar që do bënte maksimumin dhe do kishte shumë impakt nëse diçka e tillë do të ndodhte.
“Do kisha dëshirë të shkoja në Eurovision. Do bëja maksimumin. Kam shumë fansa europianë dhe nuk do e lija Shqiperinë në baltë. Nuk e di si funksionon për të hyrë. Nëse dikush e sheh këtë video ta shohi me interesim të më fusin aty se do kem impakt dhe do shkojmë shumë lart. Më intereson të jem atje se ju garantoj se do bëhet diçka e madhe,” tha Noizy.
Noizy na zbuloi edhe disa detaje nga koncerti dhe jeta personale. Reperi tha se gjithë artistët që i kishin premtuar se do jenë në koncert nuk do mungojnë.
Referuar jetës private, gjatë intervistës reperi deklaroi se është i fokusuar te muzika dhe nuk ka plane të afërta për të krijuar familje.
“Nuk kam plane për momentin për familje. Është e largët si ditë. Nuk e planifikoj dot. Nuk i dihet kurrë, por nuk bëj dot plane. Jam i fokusuar te muzika dhe puna për momentin. E kam tepruar me xhelozinë dhe më bezdis te femrat kur gënjejnë”– u shpreh Noizy.
