Ju kujtohet sesi Salma Hayek zbuloi se ajo kishte refuzuar të dilte me Donald Trump? Tani, aktorja rrëfen të gjithë historinë ndodhur vite më parë.
E ftuar në emisionin “The Daily Show”, ylli 50-vjeçar zbuloi detajet sesi presidenti u përpoq ta bënte për vete edhe pse ajo ishte e lidhur. Sipas Hayek, e gjitha filloi kur ajo kishte ftohtë në një event dhe Trump, i cili ishte ulur pas saj, menjëherë vuri pallton e tij mbi shpatullat e saj.
“U ktheva dhe i dashurin im, kaq simpatik dhe i këndshëm, e përshëndeti Trump-in. Dhe Trump i tha, “Më vjen keq, e dashura jote, e pashë që kishte ftohtë”. Dhe pastaj vazhdoi të fliste me të dashurin tim”, kujton Salma Hayek.
Sipas aktores, Trump, vazhdoi të fliste me të dashurin e saj. Ai më pas e ftoi çiftin të vizitonte hotelin e tij në Atlantic City dhe kërkoi numrat e tyre të telefonit, por nuk e telefonoi kurrë të dashurin e saj, por merrte vetëm Hayek.
“Ai më ftoi të dilnim, dhe unë isha,” Po i dashuri im? Jam çmendur apo po më kërkon të dalim? Ju e dini që unë kam një të dashur”, kujton t’i ketë thënë aktorja.
Por përgjigja e presidentit të tanishëm të SHBA-ve, Donald Trump do të nxehte çdo mashkull:
“Ai nuk është mjaftueshëm i mirë për ty. Ai nuk është i rëndësishëm, nuk është i madh sa duhet për ty. Ti duhet të dalësh me mua”.
Hayek nuk përfundoi me atë të dashur. Ajo u martua me miliarderin francez François-Henri Pinault, me të cilin ka një vajzë 9-vjeçare Valentina Paloma.
Burimi: People
