Kryeministri Edi Rama ka bërë të ditur se qeveria po shikon mundësinë që të ndalohet hyrja në vendet publike për personat e pavaksinuar nëse gjatë dimrit përkeqësohet situata me pandeminë.
Në një postim në facebook, Rama shkroi:
“MIRËMËNGJES ? dhe me ftesën për të pavaksinuarit që të vaksinohen një orë e më parë, për të mbrojtur veten e për të mos u ndodhur jashtë mundësisë së aksesit në mjedise publike, në qoftë se situata e dimrit do ta imponojë, ju uroj një fundjavë të mbarë?”.
Shqipëria është një nga shtetet me ritmet më të ulëta të vaksinimit, bashkë me Bosnjë Hercegovinën. Më pak se gjysma e popullsisë në vend ka marrë të paktën një dozë, ndërsa në Itali, mbi 80% e popullsisë është e vaksinuar.
Kujtojmë se kushti i vendosur për studentët për ndalimin e tyre në universitete pa dokumentat përkatëse të vaksinimit duket se ka rënë poshtë.
Studentët po hyjnë në universitete edhe pa pasur certifikatë vaksinimi apo të tjera dokumente që vërtetojë që nuk janë të infektuar. Dy javë nga nisja e vitit të ri akademik, mbajtja e maskës është i vetmi kusht që studentët të mund të ndjekin fizikisht procesin mësimor në auditorë.
Shumë zhurmë për asgjë, thanë studentët…për më shumë lexoni lajmin në IconStyle.al
