Kanë kaluar më shumë se 18 vjet nga momenti kur Rozana Radi ka humbur babain e saj, aktorin Ferdinand Radi.
Këngëtarja e njohur jo vetëm në fushën e muzikës me të cilën ka nisur karrierën në ekran, por edhe në aktrim dhe moderim, ka kujtuar një moment mjaft të rëndësishëm me babanë e saj.
Radi ka postuar një foto në “Instagram” që flet shumë për raportin që ajo ka pasur me të atin.
Një kërcim i ngrohtë babë e bijë, me dashurinë e parë të jetës siç ajo shprehet për të.
“Me dashurinë e parë të jetës sime. I vetmi që besoja, i vetmi që nuk më zhgënjeu. I vetmi që do më mungojë derisa të mbyll sytë. Të dua babi”, shkruan Rozana teksa kujton këtë moment special me të, të 18 viteve më parë.
Nuk është hera e parë që Rozana bëhet nostalgjike për babanë e saj, për të cilin gjithmonë shpreh fjalë mjaft prekëse dhe domethënëse për dashurinë dhe raportin që ka pasur me të.
