Marash Kumbulla është shprehur tepër i emocionuar në postimin e tij të fundit në Instagram ku tregon për ndeshjen që do luhet me datën 25 maj në stadiumin “Air Albania”. Mbrojtësi i Kombëtares do luajë si pjesë e ekipit të Romës dhe nuk mund të ishte më i lumtur se kaq që ndeshja do zhvillohet në atdheun e tij.
“Në këtë stadium do të luajmë një pjesë të historisë së Romës. Është një emocion unik të përfaqësoj ngjyrat verdhe-kuqe në një finale Europiane në Shqipërinë time, dhe njëkohësisht të pres në Tiranë një pjesë të Italisë, vendin ku kam lindur dhe jam rritur. Jam i sigurt se Tirana do të na bëjë të ndihemi njësoj sikur po luajmë në “Olimpico”- u shpreh ai në postim.
Në 25 maj, për herë të parë do të jetë Tirana që do të presë një nga eventet më të madh futbollistik, finalja e “Conference League” që do luhet në stadiumin “Air Albania”. Raportohet se vendi ynë fitoi të drejtën për organizimin e një finaleje historike në vendin tonë nga insistimi i Federatës Shqiptare të Futbollit.
Përgatitjet për të përshtatur gjithçka sipas standardeve të UEFA-s ka nisur prej kohësh dhe po punohet në ambientet e Air Albania për të plotësuar në parametra perfekt çdo element të stadiumit.
