Xheraldina dhe Agron Vula kanë qenë së fundmi të ftuar në “Pardon my French”. Ata kanë folur për jetën e tyre, si dhe janë ndalur dhe te marrëdhënia e Ledri Vulës me Sarën.
Ata thanë që fokusin më të madh e kanë te e vogla e familjes, Poem.
“Ledri dhe Sara tani janë në plan të dytë. Plani i parë është Poi. Dashuria ndaj ‘syrit të syrit’ është diçka… Unë tani i kam dy vajza, Sarën dhe Poin”.
Jo vetëm kaq, por Xheraldina ka përshkruar dhe djalin e saj.
“Ledri është pak introvert. Nuk del nga shtëpia pa i përqafuar dhe përshëndetur të gjithë. Është shumë i dashur, është shumë empatik, e ka qejf botën e vetë, kohën e vetë. Sara po ia kupton botën shumë mirë. Kohën e vetë e sakrifikon për Poin. Thotë mos më festoni ditëlindjen, mos më bëni surpriza, por kur ia bëjmë, i shijon shumë”
Por dy fjalë i ka dhe Agroni, i cili tha: “Flasim si babë e djalë. Bisedat kryesore i bën me Xheraldinën. Por ka gjëra edhe mes burrave… Sara dhe Ledri jetojnë me ne. Ata do ikin. Edhe ne kemi dëshirë që ata të ikin. Të jenë vetë, t’i çelin rrugën e vetvetes”
Por a do bëjnë dasmë Ledri dhe Sara?!
Agron tha: “I kam thënë të bëjë dy dasma. Një për miqtë e një për familjarët”.
