Era Rusi mund të jetë pjesë e “Big Brother Vip Albania 4” pasi ftesa iu është bërë, por gjithçka varet nga vendimi që do marrë ajo.
Këngëtarja e dashur ishte mbrëmë e ftuar në emisionin “Top Arena”, ku u vu përballë disa pyetjeve pikante.
Moderatorja e pyeti se nëse do të jetë pjesë e edicionit të katërt të reality show-t, “Big Brother VIP”. Era është shprehur se i është bërë propozimi, por ka shtuar se ‘për momentin nuk e shoh veten”.
Ndërkohë e pyetur për këngëtaren e saj të preferuar, Rusi ka përmendur “Pink dhe Tina Turner”.
Pjesë nga intervista:
Alesia: A do të jesh pjesë e Big Brother VIP 4?
Era: Më është bërë propozimi, por për momentin nuk e shoh veten, se aq e qetë sa jam aq edhe ekstremiteti tjetër jam.
Alesia: Kush është këngëtarja jote e preferuar?
Era: Një nga të preferuarat është Pink, përveç Tina Turner, që është dashuria ime e parë dhe e vetme e jetës sime.
