Lei Kraja është padyshim një nga moderatoret më simpatike të ekranit shqiptar. Kur vjen puna tek jeta e saj private Lei është shumë e rezervuar, por së fundmi nuk ka ngurruar të shprehë hapur simpatinë për një futbollist shqiptar.
Në një intervistë të dhënë së fundmi për emisionin “Pushime On Top”, ajo zbuloi emrin e futbollistit më simpatikë. Lei u shpreh se Marash Kumbulla është jo vetëm një futbollist i talentuar, por edhe shumë i pashëm.
“Këtu në Shqipëri ka shumë (futbollistë simpatikë). Nuk është se kam ndonjë specifik. (Marash) Kumbulla më pëlqen, duke qenë se është dhe shkodran, edhe do bëhet një super yll, jam e sigurt. Më pëlqen më shumë Kumbulla. Edhe nga ana e pamjes është i mirë”, u shpreh Lei.
View this post on Instagram
E pyetur nëse do të donte të dilte në një takim me Kumbullën, Lei refuzoi, duke u shprehur se nuk i pëlqen që të dalë me meshkuj që janë më të vegjël në moshë se ajo.
“Është më i vogël se unë edhe unë nuk takohem me djem më të vegjël. Është simpatik”.
“Kurrë nuk kam dalë në takim me një djalë më të vogël. Nuk e di pse, nuk më ka qëlluar, nuk më ka rastisur, por më pëlqejnë djemtë që janë më të pjekur”, tha ajo më tej.
