Ministri i Brendshëm italian, Mateo Salvini ka këruar falje pas publikimit të disa videove ku djali i tij Federico, 16 vjeç, argetohej me jet ski-në e policisë.
Videot janë xhiruar në bregdetin e Milano Marittima, në Papeete Beach, ku Salvini po kalon pushimet verës. Djali shihet teksa bën xhiro me jet ski së bashku me një efektiv, i cili pasi e kuptoi që po e filmonin, u kthye menjëherë në breg.
“Gabimi im si baba, asnjë përgjegjësi nuk duhet t’i jepet policëve, të cilët përkundrazi i falënderoj sepse çdo ditë rrezikojnë jetën e tyre për vendin tonë “, u shpreh Salvini.
Opozita nuk e humbi rastin për të thënë se: “Policia ka për detyrë të garantojë sigurinë tonë dhe të mos argëtojë familjen e Salvinit”.
Ligjet ndalojnë përdorimin e mjeteve shtetërore, për më tepër ato të policisë për qëllime turistike.
