Prince Jackson më në fund foli!
Djali i madh i rezervuar i Michael Jackson foli për herë të parë për vdekjen e babait, duke u shprehur se ende e vuan humbjen e tij edhe pse kanë kaluar 7 vite.
Në një intervistë të dhënë për “Los Anglees Times”, 19-vjeçari tregoi se ende i mungon babai edhe se humbja e tij, është diçka të cilën nuk do ta harrojë kurrë.
“Nuk mendoj se është diçka që harrohet. Do të jetë gjithmonë pjesë e jetës tënde ajo mungesë”, ka thënë Prince.
“Mënyra e vetme që mund të përballoj humbjen e tij është ta bëj babanë pjesë të jetës sime në çfarëdolloj mënyre, që prej logos së kompanisë, si edhe duke u përpjekur të bëj atë që ai më ka mësuar. Nuk do të jem kurrë i ndarë nga im atë, ai është një shembull i mrekullueshëm për mua. Nuk e kam problem këtë. Jam krenar që kam emrin e tij dhe që jam djali i tij”.
Gjithsesi, i riu thotë se, “të gjithë mendojnë se do të bëj muzikë dhe do të kërcej”, por ai pranon se nuk mund të bëjë asnjërën prej tyre. prince thotë se babai e këshilloi që, “mos t’i besonte askujt” dhe arsyeja pse ikona e muzikës pop i mbajti fëmijët poshtë maskave kur ishin të vegjël ishte se, “ai donte që të kishin jetën e tyre pa atë”.
“Nuk mbaj mend të kem menduar nëse fëmijët e tjerë jetonin në atë mënyrë kur isha i vogël. Por kur kuptova kush ishte ai, kuptova edhe që nuk ishte normale. Mbaj mend që ishim në “Disneyland” dhe dola në dritare, ishin kaq shumë fansa, që më bënin foto mua. Mendova se ishte normale, kështu që i përshëndesja. Babai më pyeste se çfarë doja të bëja dhe përgjigja ime ishte prodhimi dhe regjia. Muzika është një pjesë e madhe e jetës sime. Sinqerisht po shkoj me rrjedhën. Jam ende i ri, idetë e mia mund të ndryshojnë”, tha djali i Michael Jackson.
Burimi: Daily Mail
