Shumë prej nesh jemi rritur me këngët e Sabri Fejzullahut, i cili për 50 vjet me radhë është imazhi që na shoqëron në televizionet shqiptar.
Duke qenë se edhe i biri, këngëtari i mirënjohur Ermal Fejzullahu, është pjesë e botës së skenës dhe ekranit, shpeshherë dhe jeta private e këngëtarit ka gjetur vend në media, duke bërë kështu publike edhe anëtarët e tjerë të familjes
Ndoshta pak e dinë se këngëtari, përveç Ermalit, ka edhe dy fëmijë nga martesa e parë, një djalë dhe një vajzë – Armendi dhe Adelina.
Së fundmi, Sabriu ka publikuar një foto me djalin e tij të madh, krahas së cilës i ka dedikuar fjalë mjaft të ndjera për ditëlindje.
“100 i festofsh i gëzuar me dinjitet me dituri me dashni punë të mbarë me respekt me edukatë me sinqeritet e me 100 epitete që i posedon Ti djali i babit”, ka shkruar këngëtari.
Kujtojmë se Armendi është djali i artistit nga martesa e tij e parë.
Sabri Fejzullahu i takon gjeneratës së vjetër të këngëtarëve i cili ka arritur që edhe në kohën e re të zë vendin e vet në muzikë. Ai ka bashkëpunuar gjithmonë me kompozitorët më të mirë të vendit. Ai gjithashtu ka luajtur në disa televizione dhe video-filma.
