Djali i Chuck Norris, Dakota, është i shkatërruar. Në një postim që bëri në rrjetet sociale për t’i thënë lamtumirën, ai deklaron se ndihet krenar që është fëmija i tij.
Dakota Norris postoi foto bardh e zi të tyre së bashku në llogarinë personale në Instagram disa orë pas njoftimit të vdekjes së aktorit, dhe i shoqëroi ato me një tekst prekës në mbishkrim, duke shprehur dashurinë e tij për të dhe faktin se do t’i mungojë shumë.
Në postimin e bërë ai përmendi gjithashtu se do t’i ruajë kujtimet e tyre dhe është mirënjohës për gjithçka që ai i ofroi familjes së tyre:
“19/03/26. Babi, është e vështirë të gjej fjalët e duhura për këtë, por do të përpiqem. Ti ishe personi që admirova gjithë jetën time. Bujaria jote, mirësia jote, guximi yt, integriteti yt, forca jote, disiplina jote dhe besimi yt në Zot ishin vetëm disa nga gjërat që gjithmonë admiroja tek ty. Jetove jetën tënde me qëllim dhe me dashuri për të gjithë njerëzit. Ti ishe babai më i mirë që Zoti mund të më jepte ndonjëherë dhe personi më i jashtëzakonshëm që kam takuar ndonjëherë. Pavarësisht se çfarë po kaloja, ti ishe gjithmonë aty. Ti u sigurove që unë të dija sa shumë më doje. Sinqerisht, nuk mendoj se ka kaluar një ditë që nuk ma ke thënë. Jam shumë krenar që jam djali yt. Kujtimet që krijuam, mësimet që më mësove dhe të qeshurat e panumërta që ndamë do të qëndrojnë me mua për pjesën tjetër të jetës sime. Faleminderit për gjithçka që i ke dhënë familjes sonë dhe për shembullin që jep çdo ditë. Shpresoj të mund të jetoj një jetë që të nderon dhe të bën krenar. Të dua, babi. Do të më mungosh përgjithmonë”, shkroi ai.
View this post on Instagram
Chuck Norris ndërroi jetë në moshën 86 vjeç të enjten, më 19 mars.
