Aktori turk, Kivanç Tatlitug, i cili është mjaft i njohur për publikun shqiptar është bërë baba për herë të parë me 15 prill. Çifti i njohur sollën në jetë një djalë të cilit ja vendosën emrin Kurt Efe. Kivanç ka preferuar gjithmonë të jetë i rezervuar për jetën e tij private si dhe fëmijën e tij. Edhe pse ata vetë nuk postojnë foto në rrjetet sociale, nuk mund t’ju shpëtojnë kuriozitetit të paparacëve të cilët i kanë fotografuar gjatë pushimeve.
Dhe sigurisht që në sy bie vogëlushi në krahët e prindërve dhe flokët bjondë si të babit.
Kurt Efe është bjond si Kivançi, por i ngjan mamasë së tij, Basakut, sipas miqve të afërt të çiftit. Gazeta turke “Tavkim” ka publikuar fotot në fjalë.
Çifti vendosi ta quajnë djalin Kurt Efe. Këtë emër Tatlitug e mbante në serialin e famshmëm “Kurt Sejit dhe Sura”, i transmetuar në Shqipëri vite më parë.
Aktori dhe bashkëshortja e tij kanë treguar se kanë zgjedhur këtë emër pasi janë njohur gjatë xhirimeve të këtij seriali.
Kıvaç Tatlıtug, ndau më herët emocionet e tij për foshnjën, duke u shprehur:
“Është një ndjenjë shumë e bukur, ne jemi shumë të lumtur. Zoti ua dhëntë të gjithëve atë që duan. Edhe ne jemi të rinj në këtë proces. Le të jetë i shëndetshëm fillimisht, le vijë shëndoshë. Nuk e kemi menduar ende emrin”, kishte thënë aktori.
Ata u martuan në një ceremoni të thjeshtë në Paris, disa vite më parë.
