“Prindi për fëmijën e ka zemrën të madhe, ndaj do e fal atë”.
Kështu është shprehur babai i 25-vjeçarit, Hajri Neziri, nga shtrati i spitalit në repartin e kirurgjisë, ku gjendet pas sulmit me thikë që i bëri i biri në shtëpinë e tyre në zonën e ish-Kënetës në Durrës.
75-vjeçari Destan Neziri, i cili pasditen e së mërkurës u godit me thikë në fyt dhe në fytyrë, ka thënë për “Gazetën Shqiptare” se i biri e kreu aktin e rëndë në zemërim e sipër dhe se do ta falë atë.
Sulmit të djalit nuk i shpëtoi as bashkëshortja e tij 64-vjeçare, Asie Neziri, e cila mori 6 goditje thike në bark.
“Kur të shërohemi së bashku me gruan do e shikojmë djalin. E përsëris, ai e bëri atë që bëri në zemërim e sipër”, u shpreh 75-vjeçari i plagosur.
Ndërkaq, ai sqaroi se nuk ka debatuar me Hajriun dhe se nusja e tij i doli në krah për të mos e lejuar Hajriun ta godiste me thikë.
“Ishte nusja 20- vjeçare, Elvisa që na doli në krah dhe po përpiqej të ndalonte të fejuarin e saj që të mos na godiste me thikë. Nuk është e vërtetë që ne nuk e duam nusen e djalit”, u shpreh i moshuari.
Mësohet se bashkëshortët Neziri me origjinë nga Dibra kanë punuar mësues në arsimin e ciklit të ulët deri sa kanë dalë në pension.
/Shqiptarja
