Fama e ka privuar Cristiano Ronaldo në shumë gjëra! Futbollisti portugez është shprehur se gjithmonë ka dashur të ishte i padukshëm, që të mund të luante me miqtë e tij dhe të ishte më spontan në sjellje.
Nisur nga kjo ëndërr, ylli 32- vjeçari i futbollit ka paraqitur koleksionin e tij të të brendshmeve “CR7” të kombinuar me sfondin, për të krijuar pikërisht atë koncept.
“Dizajni im i preferuar në koleksionin e ri është printimi i maskuar, që ishte dhe frymëzim për konceptin e kësaj fushate. Ishte kënaqësi të luaja me temën e kamuflazhit. Shpesh mendoj se çfarë do të bëja nëse do të isha i padukshëm, patjetër do kaloja tërë ditën duke luajtur me miqtë dhe shokët e mi dhe të isha më spontan”, u shpreh Ronaldo.
Linja e brendshme “CR7” është prodhuar dhe shpërndarë nga JBS Textile Group dhe ajo dominohet nga ngjyrat dhe format gjeometrike, ideuar nga vetë Ronaldo.
“Koleksioni i ri përmban modele gjeometrike dhe detaje interesante dizajni. Unë i dua ngjyrat dhe të sjellë dy ngjyra së bashku krijojnë diçka me të vërtetë të veçantë. Dua që të brendshmet e mia gjithmonë të kenë një specifikë të veçantë”, tregon ai.
