Sara Hoxha ka pritur këtë ditë të veçantë për të zbuluar gjininë e bebushit që po pret!
Sot është ditëlindja e bashkëshortit të saj Ledion Liço, i cili do të bëhet baba për herë të dytë në moshën 33-vjeçare.
Sara dhe Ledioni janë duke pritur një djalë, i cili do ta bëjë vëlla të madh Londonin që mezi e pret!
Në postimin e sotëm në Instagram, Sara shprehet se nuk do të donte baba më të mirë për dy djemtë e saj, duke nënkuptuar kështu se është në pritje të një djali:
“Vite më parë për ditëlindjen e tij u njoha me shpirtin tim binjak. Nuk ka bashkëshort dhe baba më të mirë që mund të doja për dy djemtë tanë!
Të dua!
P.S. Edhe pse nuk je në mediat sociale, e di që kontrollon postimet për mua në 24 orët e fundit çdo ditë!”
Në fund të majit trashëgimtarja e “Top Channel” dha lajmin e bukur në profilin e saj në Instagram, ku publikoi një foto me barkun e rrumbullakosur nga pushimet e saj ekzotike!
Mami Sara përkëdhelte bebushin e saj në bark, e veshur me një palë rroba banjo trup, në foton e publikuar ku shkruante:
“Një tjetër kryeqytet europian është rrugës”.
Nuk e dimë sesi do t’ia vendosë emrin vogëlushit, por tani që mësuam gjininë u bëmë shumë kuriozë!
