Fëmija i parë që lindi në Tiranë mori sot një çek me 120 mijë lekë (rreth njëmijë euro), të cilat ia dorëzoi kryeministri Edi Rama.
Këtë mëngjes Rama shkoi në dy maternitetet e Tiranës për t’i uruar mirëseardhjen bebeve që erdhën në jetë natën e ndërrimit të viteve, duke i dhuruar edhe çekun.
“I pari i këtij viti është Aleksi, vëllai i dy motrave që si fëmijë i tretë. Ai do të hyjë në shtëpi me 120 mijë lek të reja. Pas tij ka ardhur një vajzë, fëmijë i dytë, që do të hyjë në shtëpi me 80 mijë lek të reja, e më pas, përsëri një vajzë, e cila si fëmijë i parë, do t’u çojë prindërve në shtëpi 40 mijë lekë të reja”, shkroi në postimin e rrjeteve sociale Rama.
Para pak muajsh qeveria shpalli vendimin për tetëfishimin e shifrës prej 5 mijë lekë, që jepej për çdo bebe të lindur.
Me vendimin e ri, fëmija i parë i një çifti merr 40 mijë lekë, i dyti 80 mijë dhe i treti e më tej, 120 mijë lekë.
