DJ Tiësto dhe gruaja e tij, Annika Backes do të bëhen prindër për herë të dytë.
Lajmin e ka bërë të ditur vetë producenti holandez me anë të një postimi në llogarinë e tij të “Instagram”-it.
View this post on Instagram
Çifti janë prindër edhe të një vajze, 16 muajshe.
Tiësto, emri i vërtetë i të cilit është Tijs Michiel Verwest, ndau lajmin emocionues së bashku me disa foto të ëmbla nga ceremonia e 64-të të çmimeve “Grammy”, ku Backes zbuloi barkun e rrumbullakosur në tapetin e kuq.
Në një foto, DJ vendos dorën në barkun e gruas së tij dhe puth barkun e saj në një tjetër.
“Po bëj një tjetër fëmijë me dashurinë e jetës sime ”, ka shkruar ai.
Backes ndau të njëjtat foto në faqen e saj, ku njoftoi gjithashtu se çifti është në pritje të një djali.
Ata nisën takimet e para në vitin 2015, për t’a kurorëzuar dashurinë me martesë në vitin 2019.
Rikujtojmë se çifti prezantoi për herë të parë vajzën me ndjekësit më 13 nëntorë 2020 dhe e pagëzuan me emrin Viola Margreet.
“Përshëndesni vajzën time Viola Margreet Verwest … Ajo më bëri të provoj ndjenja që kurrë nuk i kisha përjetuar,”-shkroi ai në Instagram, duke shtuar “Dhe nëna e saj @annikaverwest është një kampione e vërtetë. Si mund të dukesh kaq bukur kur sapo ke lindur?!”
