Ajo është një ndër këngët që na bashkon në çdo ndeshje të kombëtares shqiptare.
Kënga “Kuq e zi je ti” bashkon shqiptarët më shumë se kurrë dhe përcjell emocione të forta patriotizmi dhe atdhedashurie. Të njëjtën gjë ka bërë dhe mbrëmjen e djeshme në një prej club-eve të Tiranës, ku ka performuar një nga DJ më të famshëm, suedezi Axwell.
Kulmi i mbrëmjes ishte momenti kur ai kishte zgjedhur këngën “Kuq e zi je ti” për ta performuar. Padyshim që ky ishte një moment shumë emocionues dhe i veçantë, e sidomos kur kënga zgjidhet të lëshohet nga një Dj shumë i famshëm, i cili në “Instagram” numëron mbi 1 milion fansa.
Meritat për këtë sukses normalisht që i takojnë Flori Mumajesit si krijues i këngës dhe Elvana Gjatës, e cila i dha shpirt me zërin e saj magjik dhe ndihet krenare për vlerësime të tilla. Ja reagimi i saj:
“Dhe ndodh që momenti më i bukur në shoë nga @axëell të jetë me #kuqezijeti. Këngë e krijuar nga @iamflorimumajesi, kënduar nga unë. Ngritur në qiell prej shqipeve në të gjithë botën, me zërin prej shpirtit tuaj! Muzika mbi të gjitha..”, shkruan Elvana.
