E ftuar në “Livng Room” ka qenë këngëtarja e mirënjohur Maya. Padiskutim nuk mbeti pa folur për divorcin e saj nga bashkëshorti, një çështje kjo që u komentua kudo nëpër rrjet përgjatë kohëve të fundit.
Ajo u shpreh se po mundohet të mbajë larg negativitetin dhe të ruajë energjitë për vete, madje theksoi se mbi figurën e saj është hedhur baltë prej televizioneve të cilët kanë bërë manipulime edhe shpifje.
“U përfol dhe u hodh aq shumë baltë mbi figurën time nga televizionet duke bërë manipulime dhe shpifje. Por floriri nuk bëhet pis sepse është flori”- tha ajo.
Gjithashtu, ajo tha se për këtë çështje, do të flasë së shpejti gjerë e gjatë dhe në mënyrë të veçantë kur të vijë koha e duhur.
“Unë i dhashë botës së artit dhe televizioneve diçka. Dhe ti po më përdor, pa u shprehur unë kurrë dhe pa e ditur ti kurrë të vërtetën. Ky ishte një zhgënjim për sa i përket mediave që e kanë përdorur këtë moment. Më lëndove mua, lëndove fëmijën, shumë keq.”- përfundoi ajo.
