Sot u dha lajmi i mirë nga Ministria e Shëndetësisë se kontakti i parë që ka pasur pacienti zero me Koronavirus në vendin tonë, është drejt shërimit.
Marku 42 vjeç i shtruar te Infektivi pasi u infektua, sqaroi gjatë një interviste telefonike me “Open” në Top Channel simptomat e virusit, nga dita e parë.
Shtetasi, i cili mund të kthehet në të shëruarin e parë nga Koronavirusi në Shqipëri tregoi se në ditët e para kishte djerësë, por më pas filloi temperatura dhe frymëmarrja me vështirësi.
Pjesë nga biseda:
Pyetje: U trembe në momentin e parë?
U tremba sepse ishte një sëmundje e pa dëgjuar, shumë panik, po flitej në të gjithë botën ishte një tmerr i vërtetë.
Unë në momentin që kam dalë pozitiv jam vetëkarantinuar, nuk kam dalë fare.
Ka ardhur doktori me stafin, jam lidh me Piperon dhe kam marr asistencë në shtëpi.
Ditët e para kisha vetëm djers.
Ditën e tretë temperatura, 38.2, 38 .3.
Ditën e pestë ka vazhduar pak mungesa e frymëmarrjes, por jo e papërmbajtshme, pak e zorshme.
Jam ndihmuar nga mjekët me anë të telefonit dhe me urgjencën kam folur.
Jam ushqyer si gjithmonë kur kam pas temperaturë kam pirë paracetamol, uji lëngje supë.
Është çështje paniku më shumë, është diçka e menaxhueshme.
Është më pak ne një grip normal.
Sot jam në ditën e tetë. Javën tjetër bëj tamponin për të kuptuar nëse kam më COVID apo jo.
Si je infektuar?
Marku: Kam qëndruar për darkë. Dorën ia kemi dhënë. Tavolina ka qenë e madhe. Nga 10 persona që ishin janë infektuar 3 vetë. Risku nuk është 100% që kush takohet mund ta marrë.
/TCH
